“Uzinsurance” mahallalardagi amaliy muloqotlarga e’tibor qaratmoqda
Ayni paytda “O‘zagrosug‘urta” AJ fuqarolarni sug‘urta xizmatlari bilan qamrab olish maqsadida mahallalarda faoliyat olib bormoqda. Binobarin, sug‘urta xizmatlari aholini umuman, iqtisodiyotni turli xil moliyaviy xatarlardan himoya qiluvchi vositalardan biri.
Shu maqsadda Jamiyat boshqaruvi xodimlari viloyatlarda bo‘lib, hududlardagi filiallar rahbar va xodimlari bilan birgalikda mahallalarda aholi xonadonlariga kirib, ular bilan bevosita muloqot qilmoqda. Xususan, bu jarayonlar Qoraqalpog‘iston Respublikasi, Andijon, Navoiy, Xorazm, Sirdaryo hamda Surxondaryo viloyatlarida keng ko‘lamda davom ettirilmoqda.
Andijondagi muloqotlar chog‘ida aholiga sug‘urta xizmatlari afzalliklari, sug‘urtalash aksariyat mamlakatlar iqtisodiyotining sezilarli sohalaridan biriga, ammo bundan ham muhimi – aholi va biznesga yetgan yo‘qotishlar va zararlarni qoplashning moddiy manbaiga aylangani alohida tushuntirib o‘tilmoqda. O‘z navbatida fuqarolarning ham sug‘urtaga bo‘lgan qiziqishlari ortib bormoqda.
— To‘g‘ri ilgari sug‘urta haqida umumiy tushunchaga ega edim. “O‘zagrosug‘urta” AJ mutaxassislari bilan bo‘lib o‘tgan suhbatlardan so‘ng sug‘urta polisi nima ekani, sug‘urta shartnomalarini tuzayotganda uning shartlariga e’tibor qaratish lozimligi, sug‘urta hodisasi ro‘y berganda kerakli hujjatlarni taqdim etish va tovon undirish qoidalari haqida kerakli ma’lumotlarga ega bo‘ldim, — deydi Andijon shahar “Ozodlik” MFY istiqomat qiluvchi Hafizaxon Usmonova.
Kuni kecha Jamiyatning Surxondaryo viloyati filiali tomonidan Qiziriq tumanida 31 nafar mahalla raislari ishtirokida uchrashuv bo‘lib o‘tdi. Unda aholining ihtiyoriy sug‘urta turlari bo‘yicha savodxonligini oshirish, uning afzallik jihatlari va mahallalarda odamlarning kundalik turmush sharoitiga mos sug‘urta turlarini keng targ‘ib qilish borasida hamkorlik masalalari muhokama qilindi.
— Bugun “O‘zagrosug‘urta” sug‘urta kompaniyasining rahbar xodimlari bilan juda dolzarb mavzuda suhbat bo‘ldi. Darhaqiqat, har yili bahor-yoz oylarida tabiiy ofatdan aksariyat fuqarolarimiz zarar ko‘radi. Chunki, tumanimiz aholisining asosiy doramad manbai chorvachilik, dehqonchilik, bog‘dorchilik, shuningdek, tadbirkorlik yoki qishloq xo‘jaligiga oid boshqa sohalardir. Bahorda ba’zi hududlarda odamlarning uy-joyi, mol-holi, ot-ulovi, echki-ulog‘ini sel olib ketsa, yozda ularning ekin maydonlariga, bog‘-rog‘lari qurg‘oqchilik yoki turli zararkundalardan ziyon yetishi ehtimoli mavjud. Ochig‘i ko‘pchilikning to‘y-xashami, talaba o‘qitayotganlarning to‘lov kontrakti hosil unumdorligi bilan bog‘liq. Kimningdir hosili o‘xshamasa, o‘z-o‘zidan oilalarning muhim rejalari keyingi mavsumga qoldiriladi. Sug‘urta — aholi uchun xatarlar bilan hisoblashish kerakligini, oilaning moliyaviy barqarorligini ta’minlashning muhim usuli. Bugungi uchrashuvdan xulosa shu, — deydi "Qorasuv" mahalla fuqarolar yig‘ini raisi Anamatov Saitmurot.
So‘nggi vaqtlarda “O‘zagrosug‘urta” aktsiyadorlik jamiyati tomonidan xizmat ko‘rsatish ko‘lamini mamlakatimizning eng chekka hududlariga qadar kengaytirish, ayniqsa, qishloq aholisini sug‘urtaviy himoyasini ta’minlash borasida ishlarni mahallabay tashkil etishga chuqur e’tibor qaratilmoqda. Joylarda sug‘urta madaniyatini shakllantirish, odamlarda ushbu xizmatdan foydalanish ko‘nikmasini hosil qilish muhim ahamiyatga ega.
Shundan kelib chiqib, 2021 yil 18 may kuni Jamiyatning rahbar xodimlari Qoraqalpog‘iston Respublikasi Chimboy tumani hokimi o‘rinbosari — mahalla va oilani qo‘llab-quvvatlash bo‘limi boshlig‘i Zoya Yerjanova o‘rtasida uchrashuv bo‘lib o‘tdi. Muloqotlar yakunida chimboyliklar uchun qulay ihtiyoriy sug‘urta xizmatlarini taklif etish va aholining moliyaviy savodxonligini yanada rivojlantirish borasida amaliy ishlarni hamjihatlikda tashkil etishga kelishib olindi.
Eslatib o‘tamiz, kompaniya vakillarining mamlakatimiz mahallalari bo‘ylab aholining sug‘urtaviy himoyasini ta’minlash, ularning mazkur moliyaviy xizmat turiga bo‘lgan ishonchini mustahkamlashga qaratilgan joylardagi amaliy muloqotlari poytaxtimiz Toshkent, Navoiy, Xorazm, Sirdaryo viloyatlarida davom etmoqda.
(Davomi foto reportaj)
Sirdaryo viloyati, Urganch tumani, “Gulbuloq” mahallasi, Oybek ko‘chasi fuqarolari bilan uchrashuvdan foto lavha.
“O‘zagrosug‘urta” AJ rahbar xodimlarining Xorazm viloyati Sayxunobod tumani “Qumravot” MFY raisi Abdulla Karaxanov itirokida mahalla fuqarolari sug‘urta shartlari, to‘lov jarayonlari va ihtiyoriy sug‘urtaning majburiy turlardan farqi to‘g‘risida savob-javoblar tarzida qizg‘in muloqot tashkil etildi.
Buxoro viloyati Qorovulbozor tumani “Imom al-Buxoriy” MFY binosida davlat va nodavlat tashkilotlari, banklar, fermer xo‘jaligi rahbarlari va mahalla faollari ishtirokida ushrashuv. Sug‘utaga oid masalalar yuzasidan savol-javblar shaklidagi qizg‘in munozaradan lavhalar.
“O‘zagrosug‘urta”AJ
Axborot xizmati