Ahbor-Reyting “O‘zagrosug‘urta” AJ uchun milliy shkala boʻyicha “uzA++” darajasida toʻlovga qobiliyatlilik reytingini tasdiqladi
“Ahbor-Reyting” reyting agentligi “O‘zagrosug‘urta” AJ uchun milliy shkala boʻyicha “barqaror” prognozi bilan “uzA++” darajasida toʻlovga qobiliyatlilik reytingini tasdiqladi.
Bu kompaniyaning toʻlovga qobiliyatlik darajasi yuqori va barqaror ekanligidan dalolat beradi.
Bugungi kunda kompaniya tizimida 1000 nafarga yaqin xodim faoliyat yuritadi. Respublika bo‘yicha kompaniyaning jami 14 ta filial hamda 191 ta sug‘urta markazlari tomonidan tuman va shaharlarda aholiga sug‘urta xizmatlarini taklif etilmoqda.
“O‘zagrosug‘urta” AJ mamlakatdagi eng qamrovi keng, xizmat ko‘rsatish tarmoqlari ko‘p bo‘lgan sug‘urta tashkilotidir. Shuningdek, sug‘urta bozorida rasmiylatirilgan sug‘urta shartnomalari soni va qoplab berilgan zararlar miqdori bo‘yicha ham yetakchilardan hisoblanadi.
Eslatib o‘tamiz, 2022-yilning 1-yarim yillikda sug‘urta bozoridagi jami shartnomalar soni 3 351 838 ta tashkil etdi. Shundan 403 044 dona sug‘urta shartnomalari "O‘zagrosug‘urta" AJ xissasiga to‘g‘ri keladi. Bu sug‘urta bozorida jami rasmiylashtirilgan shartnomalarning 12 foizi yoki sug‘urtalovchilar ichida eng ko‘p ulush demakdir.
Kompaniya tomonidan joriy yilning o‘tgan davri mobaynida mijozlarga 2638 ta holatda 23,5 milliard so‘mga yaqin sug‘urta qoplamalari to‘lab berildi.
Axborot xizmati